ആദ്യാനുരാഗം

ആദ്യമായി കേട്ടതത്ത്രയും നിൻ സ്വരങ്ങൾ 
ആദ്യമായി മൂളിയതോ നിൻ പദങ്ങൾ
ആദ്യത്തെ അനുരാഗം നീതന്നെയല്ലോ
പിന്നെ നിന്നെ മറകുന്നതെങ്ങനേ ഞാൻ .

കളിച്ചതും വളർന്നതും നിൻ ഒപ്പമല്ലേ 
പഠിച്ചതെല്ലാം അറിഞ്ഞതും നിന്നിലുടെയല്ലേ
കണ്ടതെല്ലാം മിണ്ടിയത്‌ നീ വഴിയല്ലേ
കേട്ടതെല്ലാം പറഞ്ഞതും നിൻ അരികിലല്ലേ ?

നീയില്ലെങ്കിൽ എത്ര ശുന്യം ഓരോ ദിനവും 
നീയില്ലെ ങ്കിൽ പിന്നെന്തു രസം എൻ ചിന്തകൾക്ക് .
അപുർണ്ണമായ് നിന്നിടും വാചാലമാമെൻ മൊഴികൾ
നീ എന്നിൽ നിന്നും അകന്നുവെങ്കിൽ ഈ നിമിഷം .

എത്രമേൽ സ്നേഹിക്കുന്നു നിന്നെ ഞാനെന്നു
കഴിയുന്നില്ല പകർത്തുവാൻ ഈ വരികളിൽ എനിയ്ക്കു .
എങ്കിലും തിരിച്ചറിയുക ഞാൻ ഏറയായി സ്നേഹിച്ചത്
എൻ മാത്രഭാഷയാം മലയാളത്തെ മാത്രമെന്നത്........